COMEZO DO CURSO 2017/2018

Ola                                  

Comezas un novo curso no C.E.I.P. Plurilingüe de Domaio.

Como sabes o colexio é un lugar que che vai axudar a ser unha persoa responsable e competente.

Esto implica que vas adquirir coñecementos e destrezas para seguir medrando; vas desenvolver habilidades sociais que che permitan relacionarte dun xeito positivo cos demais.

Intentaremos que aprendas a expresar as túas emocións e opinións de forma respectuosa; a resolver os teus conflictos a través da comunicación  e o diálogo; darche a oportunidade de ter novas experiencias e intereses.

Queremos que asumas valores como: o recoñecemento da igualdade de dereitos entre as persoas, que aprecies o feito de ser diferente, que rexeites todo tipo de violencia , que sexas respectuoso co medio...

Pero todo isto non seremos quen de conseguilo, se non é  co teu compromiso e esforzo, e coa colaboración e confianza da túa familia.

Os profesores e profesoras do C.E.I.P Plurilingüe de Domaio, dámosche a benvida.