SAÍMOS DE NOVO

Onte , os alumnos e alumnas de 5º e 6º visitamos o centro medioambiental do Morrazo no polígono Castiñeiras, onde nos mostraron a importancia de reciclar. Visitamos as instalacións e comprobamos como realizan a separación  dos residuos.

Despois visitamos o Museo Massó no centro de Bueu. O museo consta de dúas plantas, unha dedicada a vida naval: coleccións, descubrimentos, maquetas,... A segunda recolle elementos propios da industria conserveira.

A semana pasada fomos a Vigo para ver unha película da Universidade  sobre o mundo dos signátidos e despois visitamos a exposición " Percorrendo a nosa arte. Esencia dunha colección"na modalidade " Os sefies do seculo XIX"

NON PARAMOS!!!

A PRIMEIRA SAÍDA DO CURSO

Hoxe os alumnos e alumnas de 4º, 5º, e 6º fixemos una saída a Vigo . Primeiro fomos ao centro cultural Afundación para ver a obra de teatro " Laberinto", despois nos diriximos ao museo etnográfico Liste para participar nun obradoiro de instrumentos humildes. Aprendemos moitas maneiras de facer música con  elementos cotiás e da natureza. Cantamos cancións tradicionais e construímos un instrumento cunha casca de noz. Seguro que os vosos avos e avoas saben facer música con moitas cousas, cando teñades ocasión, preguntádelle.

Tamén gustounos moito o xardín que rodea ao museo, alí merendamos e xogamos no labirinto.

PASÁMOLO MOI BEN!

Este é o instrumento que fixemos. Soa moi ben

VISITAMOS AFAMO

O venres 29 de abril o alumnado de 5º e 6º de Domaio visitamos AFAMO (Asociación de Familiares de Enfermos de Alzheimer do Morrazo) para colaborar con eles na elaboración do maio. Ademais, rematamos  a  nosa visita cantando unhas coplas que escribimos para esta ocasión, bailamos, fixemos fotos, entregamos uns agasallos...   Fui unha experiencia incríble e moi gratificante para todos que nos deixou con ganas de volver a visitalos e compartir novas actividades con eles. 

VISITA AO CASTRO DE VIGO

 O próximo venres día 8 de abril os alumnos e alumnas de 4º , 5º e 6º de Primaria, iremos ao monte do Castro en Vigo para visitar os restos excavados do antigo poboado castrexo, así como as réplicas das construccións. También visitaremos o castelo -fortaleza.

 Na páxina do Concello de Vigo atoparás información que podes consultar antes de realizar a visita , e tamén propostas de actividades.

Máis información.

Preme na seguinte imaxe para ver o percorrido dende o teatro Afundación, onde asistiremos aun concerto, ata o Monte do Castro.

Plano castelo do Castro

UNHA SAÍDA PARA APRENDER

Onte os alumnos/as de 4º, 5º e  6º tivemos una mañá moi interesante.
Primeiro fomos ao Centro Cultural Afundación para ver dúas películas " Mar de un bosque encantado" e "Esencia das mareas" dentro do Ciclo de cine submarino que se está a celebrar en Vigo.  Despois fixemos un descanso para repoñer forzas e xogar un pouco, que nunca está de mais.
A eso das doce e media entramos no museo  etnográfico Liste que conta con nove salas de exposición permanente sobre a cultura tradicional galega. Aprendimos cousas moi interesantes sobre obxectos de madeira escavada, formas de alumeado,  profesións, cultivos,.... Ademais da exposición temporal sobre roupa interior.

Pasámolo moi ben!!!!